jal ker saNwarna

I
pouchtay kya ho
may'h, meena, jaam
tishnagi, tishna kaam
khalish, izteraab
kas'r, kotahee
kisi ki kahaani

II
haaN
may'h parast nahiN
jamshed nahiN
jaam-e-jum nahiN

III
jaantay haiN sub
pata nahiN sub ko

IV
raq'm hay jalna shartt
jal ker hee saNwarna hoga
isfihaan ka khu'm
gorakhpur ka gaager
jaipoore ki thalya
multan ki suraahi
safar shartt hay aag say
mitanay kay lyay
her pyaas

VI
khaali matka
khoosh'k darya
bay ab'r aasmaaN
a'doo tishna-labi hay
aur kya

VI
pouchtay kya ho
kay haiN
tishna lub
tishna aarzoo
aur sabeel bhee