aao m'ray saath aao

aao m'ray saath aao
(for js)

aao m'ray saath aao
chalo sunaiN kham'shi ki
sunn sunn karti goonjh

her sheh madhum madhum
khamoshi aur chandini qadum ba qadum
madfun karti hay her aah wo siski ko youN
kay dil ki dhaRkun do'or kisi janwaar ki awaaz
donON aisay hotay haiN ujagar kay khood
apni sama'at per aitebaar aata nahiN

aao m'ray saath aao
chalo sunaiN malbay say aa nay wali
woh siskiaN, dil jin kay dhaRaktay nahiN
aur saaNs, jis nay sa'aye ki maaniNd choRh diya
........................saath
laikin yeh siskiaaN haiN baitaab zameen kay
seenay ko ik baar phir cheernay kay liyay

aao sunaiN in sadiouN puranay
darakhtON ki aasman say taktay jaRouN ki
khamosh aah wo fughaaN

maikhaanay ka shOr ho ya roz marra ki
bay hungaam ujlat yeh tou sub hee suntay haiN
aao m'ray saath aao
chalo sunaiN kham'shi ki
sunn sunn karti goonjh
(still working on this –05/10/20)