baithak

↑ Grab this Headline Animator

Wednesday, September 28, 2005

kahani aik cup ki

m'ri kaitli maiN
yeh oobalta paani
janay kitni musafat
tay ker kay aaya hoga
ab'r e rehmat jo giri hogi kaheeN
aabshaar, waadi, jharna, jheel
darya aur reservoir say guzartay hu'aye
is kaitli maiN aaya hoga

pyaali say ooth'ta hua dhuaaN
woh pyaas oojager khushboo
woh chiski jiski lazzat
youN naqsh rehti hay zeh'n maiN
jaisay oos shOkh ki muskurahat
bachchay ka khil khila ker haNsna
jaisay saahil kay kinaray
chandini ka raq's e hayat
t'ray chehray per

laikin koi batlai humaiN
aaj
is pyali maiN
woh baat kyuN nahiN

0 Comments:

Post a Comment

<< Home