saal aaya saal gaya

saal aaya saal gaya
kuch khoya kuch paaya

is saal bhi hum nay hasb e maamul
bay-dimaghi say chalai apni gaRi
aur baar baar bachchay haiN hum
khatarnaakk hadsON say

karaiN kya, kabhi iski baat
kabhi ooski baat, kabhi yeh khayal
kabhi woh khayal, kartah rehta hay
gardish zeh'n kay her dO kounON maiN
aisay maiN saRak per dhiyaan
kaisay rakhay, kaun rakhay?

mera eemaan tO yeh hay
kay ooper zaroor koi hay
jO is nacheez kO youN
rakhta hay apnay amaan maiN

khair dOsto, na'aye saal ki aamud hay
d'ua hay yeh naya saal aap sub kay lyay
lai khushiaN aur achchi sehat aur sab'r
oon badnaseebON kay lyay
jinhON nay apnON ko khoya