faraar

matlaashi nazraiN
dar say jo takraiN
                            baar baar
dar o zanjeer zang aalood
magar yeh matlaashi nazraiN
liyay  rozan kay paar
aazaad fizaouN ki umang 
zarrat e rozan pe sawar
justujoo e azadi maiN
haiN koshaaN sada
poshida hay in maiN
ik oomang e sheh'r e arzoo
kay alfaaz, rooh o jis'm 
qaid e shish jehat maiN
sisakhtay na hoN jahaaN

nazraiN parvaaz kunaaN
yeh jaantay hu'aye bhee
faraar e aseeri e haal
                              nahiN 
ma'siway e faraib e tasawwur