guRR ki sui

"From Thursday afternoon to Friday afternoon we expect : 20-30 cms of snow.-the weather network"

______________________________________________

guRR ki sui

hota thaa jub karachi maiN
mausam a'ber aalood tou hum
school aur college bunk ker kay
saahil per nikal jatay thay
.......................ya
lihaaf, pakoRay, doodh-patti
kay khaaboN maiN kho jaatay thay

laikin aaj subah say zeh'n maiN
ghoom rahi hay guRRh ki garam chai
kuch mausam aisa hay, kuch chah hay
talab hay tou srif guRR ki chai ki

HMV gramaphone player per
ghoomti sui zeh'n may youN atkee
kay sotay jaagtay her lumhay maiN
hadd e nazar aatee haiN nazar
pyaliaN hee pyaliaN

aur budnaseebi dekhiyay kay
doodh hay, patti hay, guRR nahiN hay