dawat

aao kay shub ko seh'r kar daiN
aao kay is shub ko seh'r kar daiN
aao kay is tareek shub ko seh'r kar daiN
...zoolmut kay andhairoN ko
...such ka chiragh dikhaaiN
...yassiyat ko itminaan
...jeh'l ko such ka noor daiN
...kaali ghata-ouN say
...sehraa ki piyaas bhujha daiN
...jung aur barbadi kay registaan ko
...khoos hali ka nakhlistan bana daiN
aao hath baRhao
kay shubb guzri jaati hay
aao qad'm oothao
kay poo' phatna chahti hay
jo hum na qad'm ootha’aiN gay
is doori ko na mitaiNgay
tou sub hamaiN choRh jaiN gay
buhat peechay choRRh jaiN gay

aao kay shub ko seh'r....

(written for a banglore meet)