sub aik haiN

sub aik haiN
hum sub aik haiN b'jooz a'mul kay
phir if'laasi faseel ka yeh a'hani shikanja
ha'el kyuN hay her dO logon kay darmiaN?

nazrouN ki chahat, dilouN ki qurbat
ishtiaque ki inteha, daulat ki faseel

kaisi hay woh muskurahat
search light ki maanind
girti hay srif aik markooz per

surkh hay na safaid
kaisa hay yeh khoon
aankhouN ki qaid say azaad

kya yeh behta nahiN?