khood-kar zeena

is khood-kar zeenay per aye meray khudaya
laooN kahaaN say darmian e hujoom
istada rehnay ki pairON main woh taqat?

ik rOz barqi rau youN bachaa kay jaan
bhaagi taarON kay jaal e gunjaaN say
kay is shehar kay sub khood-kar zeenay
chaltay qadmOn kO taktay reh ga'aye

oos baybus zeenay per bojh-lada chala jO
tO aaya yeh khayal kay awaam watan maiN
natawaaN kaandhON per
un gin't nakhudaON ka bojh sadiON say
bardasht ker rahay haiN baghair kisi oof kay

main youN pa ba jOlaan
oos khood-kar zeenay per
shikast aashna hu'a