jheel ontario

goodwin  trail per
cycle, skate aur chehal qadmi kertay hu'aye log

jheel maiN sar e shaam chakkar lagati kashtiaN
deck per mauseeqi, meh aur mahtaab
kay zair e asar naachtay hu'aye joRay

khayalON kay yeh tana bana lay jata hay oodher
jahaaN donON janib raj hay nafratouN ka
jahaaN sub meh'v e gharq haiN
nafratouN kay shikanjay maiN
jahaaN insaniyat maflooj hay
jahaaN haivaniyat zinda hay
do'oor kahiN say ambulance ki sada 
phir mujhay is purskoon duniya maiN 
lay aati hay