jheel ontario (draft)

goodwin  trail per
cycle aur skate kertay hu'aye log
zara hut kay
kuch umar raseeda
chehal qadmi kertay hu'aye

jheel maiN sar e shaam
chakkar lagati kashtiaN
deck per mauseeqi, meh aur mahtaab
kay zair e asar naachtay hu'aye
hungama kertay hu'aye joRay

jheel ontario kay kinaray
maiN in kahayalON maiN
khoya hu'a

aur phir yeh tana bana
lay jata hay oodher
jahaaN donON janib
raj hay nafratouN ka
jahaaN shehri kya, sipahi kya
sub meh'v e gharq haiN
nafratouN kay shikanjay maiN
jahaaN insaniyat maflooj hay
jahaaN haivaniyat zinda hay