dust or ash

cheh ooper aur raakh
cheh neechay aur khaak

khaali haath aa'aye thay bhaiyya
khaali haath youN chalay behna

kuch rukay, kuch muskurahay
kuch saire ki duniya ki
is nay haNsaya, haNs di'yay
oos nay rulaya, rO diyay

kabhi kisi kay saath um'r tamam jeenay ki
pur num ashkON say maaNgi thi du'a aiN
kabhi youN hi apni bay-busi per
bay ikhtiar itna ro'aye, itna ro'aye
kay dariyaON ko rush'k aa gaya

laikin such yeh hay kay hum woh mujnooN niklay
jaisay guzri khush rahay, jo mila shuk'r kya
maaNga jo woh mila, chaha jo woh kya

kal jo mit ja'aiN gay tou kya gham hay
na kuch la'aye thay na lay jaiNgay
laikin haaN bhai yeh dO bOL pyar kay
hum choRh ja'aiNgay, choRh ja'aiNgay