restaurant maiN khanay ka intezar kartay hu'aye

daire tuk takta raha maiN
door taaq maiN rakhay
ik guldastay ko
shoukh phoolouN ka nikhaar
kisi goolistaaN ki pariyaaN
is aalam e bayízaar maiN
chund saíatouN kay liyay
jo bantee haiN markaz e tawajjah
jaisay tv cameray kay samnay
roshni maiN dooba koi chehra

dastaaN zindagani ki
kuch isi tarah hay
aaíaye
rukay
chalay
aur gíaye

lo youN tamaam huíie
tumhari meri kahani
aur khana sujj gaya
maiz per